မန်ယူတိုက်စစ်မှူး ရက်ရှ်ဖို့ဒ်ကို ခေါ်ယူရန် နယူးကာဆယ် ကြိုးပမ်း
DVB
·
June 21, 2025
နယူးကာဆယ်အသင်းဟာ မန်ယူတိုက်စစ်မှူး မားကပ်ရက်ရှ်ဖို့ဒ်ကို ခေါ်ယူနိုင်ဖို့ ကြိုးပမ်းနေတယ် လို့ သတင်းထွက်ပေါ်လာပါတယ်။
အသက် ၂၇ နှစ်ရှိ အင်္ဂလန်တောင်ပံကစားသမားဟာ နည်းပြအာမိုရင်ရဲ့ အနာဂတ်အစီအစဉ်မှာ မပါဝင်တော့တဲ့ ကစားသမားဖြစ်ကြောင်း မီဒီယာတွေက ဖော်ပြကြပါတယ်။
မနှစ်ကရာသီကတည်းက အက်စ်တန်ဗီလာအသင်းမှာ အငှားထွက်ကစားခဲ့တဲ့ ရက်ရှ်ဖို့ဒ်ဟာ ဗီလာပါ့ခ်မှာ ၁၇ ပွဲကစားပြီး ၄ ဂိုးသွင်း ၆ ကြိမ်ဂိုးဖန်တီးနိုင်ခဲ့တာပါ။
နယူးကာဆယ်အသင်းဟာ ရက်ရှ်ဖို့ဒ်ကို ကစားသမားဘဝ တဆစ်ချိုးပြောင်းလဲအောင် လုပ်ဆောင်ပေးမယ်ဆိုတဲ့ မက်လုံးအပြင် ချန်ပီယံလိဂ်ပြိုင်ပွဲကစားရမယ့် အခွင့်အရေးနဲ့လည်း စည်းရုံးသိမ်းသွင်းဖို့ ရည်ရွယ်ထားကြောင်း The Sun သတင်းမှာဖော်ပြပါတယ်။
ရက်ရှ်ဖို့ဒ်ဟာ မန်ယူနဲ့ ၂၀၂၈ ခုနှစ်အထိ စာချုပ်ကျန်သေးပြီး တပတ်လုပ် ခပေါင် ၃ သိန်းကျော်ရရှိနေသူ ဖြစ်ပါတယ်။
Photo: Reuters
