ယူအေအီးနိုင်ငံမှာ အောက်တိုဘာ ၁၇ ရက်ကနေ ၂၂ ရက်အထိ ကျင်းပခဲ့တဲ့ ၂၀၂၃ ဒူဘိုင်းမာစတာကြက်တောင်ပြိုင်ပွဲမှာ မြန်မာကြက်တောင်မယ်သက်ထားသူဇာက ပူးတွဲတတိယ ကြေးတံဆိပ်ဆု ရရှိခဲ့ပါတယ်။
ကမ္ဘာ့အဆင့် ၄၆ ရှိတဲ့ သက်ထားသူဇာဟာ ၃၂ ဦးအဆင့်ကနေ ဝင်ရောက်ယှဉ်ပြိုင်ခွင့်ရရှိခဲ့ပြီး ယူအေအီးကြက်တောင်မယ်ကို နှစ်ပွဲပြတ်အနိုင်ရရှိခဲ့သလို ၁၆ ဦးအဆင့်မှာလည်း လူဇင်ဘတ် ကြက်တောင်မယ်ကို ၂ ပွဲပြတ် အနိုင်ရရှိခဲ့ပါတယ်။
ကွားတာဖိုင်နယ်မှာ အိန္ဒိယကြက်တောင်မယ်ကို ၂ ပွဲပြတ်အနိုင်ရရှိခဲ့ပေမဲ့ ဆီမီးဖိုင်နယ်မှာတော့ အိန္ဒိယကြက်တောင်မယ် ယူဟိုဒါးကို ၁၈-၂၁၊၁၂-၂၁နဲ့ နှစ်ပွဲပြတ် ရှုံးနိမ့်ပြီး ပူးတွဲတတိယသာရရှိခဲ့ပါတယ်။
၂၀၂၃ ဒူဘိုင်းမာစတာ အိုးပင်းကြက်တောင်ပြိုင်ပွဲဟာ သက်ထားသူဇာအတွက် ယခုနှစ်မှာ ၁၈ ကြိမ်မြောက် ပြိုင်ပွဲဖြစ်ပြီး အမြင့်ဆုံးအောင်မြင်မှုအဖြစ် ပူးတွဲတတိယ ၃ ကြိမ်ရရှိခဲ့ပါတယ်။
သက်ထားသူဇာဟာ အောက်တိုဘာ ၂၄ ရက်မှ ၂၉ ရက် အထိကျင်းပမယ့် ၂၀၂၃ အင်ဒိုနီးရှားမာစတာ ၂ ကြက်တောင်ပြိုင်ပွဲကို ဝင်ယောက်ယှဉ်ပြိုင်သွားမှာဖြစ်ပါတယ်။
Photo. Thet Htar Thuzar Facebook
